Baldintza Orokorrak
I. SARRERA
Webgune hau CROWDFUNDING BIZKAIA PLATAFORMA DE FINANCIACIÓN PARTICIPATIVA, S.L.U. enpresak egin du (aurrerantzean, Crowdfunding Bizkaia). Sozietatea 2017an eratu da, eta Bizkaiko Foru Aldundiaren partaidetzako enpresa da osorik, Bilbon du egoitza soziala (Kale Nagusia 25), B95895298 IFK du, eta Bizkaiko Merkataritza Erregistroan inskribatuta dago (5730. liburukia, 130. folioa, BI-70634 orria, 3. inskripzioa). Sozietatearen helburua da, era profesionalean eta webgune baten bidez, diru-etekinaren truke finantzaketa eskaintzen duten hainbat pertsona fisiko edo juridiko ("Inbertitzaileak") harremanetan jartzea, partaidetzako finantzaketa duen proiektu baterako finantzaketa beren izenean eskatzen duten pertsona juridikoekin ("Sustatzaileak").
Crowdfunding Bizkaia partaidetzako finantzaketako Plataforma bat da, eta helburu bikoitza du: Sustatzaileei proiektuak finantzatzeko hautabidea eskaintzen die, inbertsio indibidualak batuz; eta Inbertitzaileei aukera ematen die beren intereseko erakundeen kapital sozialean sartzeko.
II. BALDINTZA OROKORRAK
Dokumentu honek webgune hau erabiltzeko baldintzak ezartzen ditu (hemendik aurrera, "Baldintza Orokorrak"), Inbertitzaileen baldintza partikularrei eta Sustatzaileen baldintza partikularrei kalterik egin gabe.
Webgunean sartzen diren (www.crowdfundingbizkaia.com) (aurrerantzean, “webgunea") pertsona fisikoak edo juridikoak “erabiltzaileak” direla joko da, Baldintza Orokor hauei begira.
Webgunera sartzea askea eta doakoa da, eta ez da aldez aurretik erregistratu behar, sartzeko kontrola duten edukiak edo zerbitzuak alde batera utzita. Webgunera sartze hutsak berez dakar erabiltzaileak osorik onartzea Baldintza Orokor hauen edukia, edo webgunean sartzean argitaratuta dagoen haien bertsioa, eta, orobat, aplikatu ahal diren araudi eta arau guztiak.
Webguneak aukera ematen die erabiltzaileei -betiere adierazitako lege-eskakizunak betetzen badituzte- Crowdfunding Bizkaiak eskaintzen dituen zerbitzuetan parte hartzeko haren bidez, Inbertitzaile edo Sustatzaile gisa, kontzeptu horiek definitzen eta arautzen dituzten Inbertitzaileen Baldintza Partikularren eta Sustatzaileen Baldintza Partikularren arabera.
Webgunearen sarbidea 18 urtetik gorako pertsonei zuzenduta dago, edo, bestela, 18 urte baino gutxiago baina 16 urte baino gehiago duten eta legez emantzipatuta dauden horiei. Emantzipatuta ez dauden 18 urtetik beherakoek ezin izango dute webgunea edo Plataforma erabili, nahiz eta gurasoen, tutoreen edo legezko ordezkarien baimena izan -horiek kargura dituzten adingabekoek egindako ekintza guztien arduraduntzat joko dira-.
Erabiltzaileak legeak, baldintza orokor hauek eta ezar daitezkeen baldintza partikularrak beteko ditu webgunea erabiltzean. Erabiltzaileak hori bete ezik, Crowdfunding Bizkaiak beretzat gordetzen du legezko ekintzak egiteko eta Webgunearen sarrera murrizteko aukera.
Erabiltzaileak onesten eta onartzen du Webgune hau erabiltzea bere erantzukizuna dela, ez beste inorena, eta saihestu egingo ditu Crowdfunding Bizkaiaren edo hirugarrenen interesak kaltetu ahal dituzten jokaerak, bai eta webgunea bera eta haren erabilera arrunta nola edo hala kaltetu, erabilezin bihurtu, hondatu, gainkargatu edo kaltetu dezaketenak ere.
Crowdfunding Bizkaiak segurtasun-neurri egokiak jarriko ditu, Webgunea, haren nabigazioa eta erabilera babesteko. Hala ere, erabiltzaileak onesten eta onartzen du Interneten segurtasun-neurriak ez direla hutsezinak; eta, beraz, Crowdfunding Bizkaiak ezin du bermatu ez dela birusik edo bestelako mehatxurik edo malware-rik egongo.
Baldintza Orokorretan jasotako informazioa aldatu daiteke. Ildo horretan, Crowdfunding Bizkaiak beretzat gordetzen du eskubidea webgune honen edukia, diseinua edo egitura aurrez jakinarazi gabe aldatzeko, bai eta webgunean ostatatutako edukiak aldatzeko, ordezkatzeko edo eraldatzeko eskubidea ere.
Webgunera sartzen diren erabiltzaileek eduki eta baldintza hauen berri izan behar dute, eta aldizka kontsultatu ere bai, Crowdfunding Bizkaiak aurrez jakinarazi gabe aldatu ahal dituelako.
Baldintza Orokor hauen indarreko bertsioa webgune honen behealdean dagoen "Baldintza Orokorrak" hiperestekakoa izango da.
WEBGUNEAREN ERABILERA ZUZENA
Webgune hau orriak duen xederako erabili beharko da, hau da, Inbertitzaileen eta Sustatzaileen arteko harremanari bide emateko.
Webgune hau erabiltzean, erabiltzaileak hitzematen du:
- Crowdfunding Bizkaiak webgunearen bidez eskaintzen dituen edukiak eta zerbitzuak era egokian erabiltzeko.
- Jabetza intelektualeko eskubideei buruzko legeak eta/edo Izaera Pertsonaleko Datuak babesteko araudia hausten dituen informaziorik ez argitaratzeko (Crowdfunding Bizkaiaren aurretiazko berariazko baimen idatzia ez badu).
- Beste erabiltzaile batzuen informaziorik edo edukirik ez biltzeko.
- (i) Webgunearen edukia ez kopiatzeko, erreproduzitzeko, eraldatzeko eta/edo banatzeko, erabat edo partzialki, merkataritza- edo publizitate-erabileretarako; ii) bestelako informaziorik ez argitaratzeko, banatzeko edo ezagutzera emateko webgunearen bidez –Crowdfunding Bizkaiak webgunean xedatutakoari jarraiki berariaz baimendutako informazioa ez den guztia-; (iii) webgunearen bidez ez igortzeko, biltegiratzeko edo deskargatzeko Crowdfunding Bizkaiak berariaz baimenduta eta zerbitzuei lotuta ez dagoen artxiborik.
- Ez argitaratzeko eta ez emateko pertsonen duintasunerako errespetua hausten duen, edo bereizkeriakoa, asmo txarrekoa, iruzurrekoa, legez kanpokoa edo pornografikoa den edukirik, gazteen edo haurren eta ordena eta segurtasun publikoaren kontra badoa, edo, Crowdfunding Bizkaiaren ustez, argitaratzeko egokia ez bada.
- Webgunearen funtzionamendu egokia ezgaitu, gainkargatu edo hartan eragina izan dezakeen ezer ez egiteko.
CROWDFUNDING BIZKAIAREN ERANTZUZKIZUNA ETA ERANTZUKIZUNETIK SALBUESTEA
Erabiltzailea da webgunea erabiltzearen erantzule bakarra, eta bere gain hartuko ditu sor litezkeen arrisku guztiak.
Webgune honen izaera irekiaren ondorioz, eta informazio digitala biltegiratzean eta igortzean erroreak izan daitezkeenez, Crowdfunding Bizkaiak ez du bermatzen webgune honen bidez igorritako edo lortutako informazioa doia eta segurua izango denik, orrian bestelakorik berariaz adierazten ez bada. Hortaz, Crowdfunding Bizkaiak ez du inoiz erantzukizunik izango edozein eratako kalte-galerarik bada, aipatze aldera, edukietan errorerik edo omisiorik bada, webgunea eskuragarri ez badago, edo edukietan birus edo programa gaizto edo kaltegarriren bat igortzen bada, nahiz eta hori galarazteko behar diren neurri teknologiko guztiak aurrez hartu.
Crowdfunding Bizkaiak gogora ekartzen dizu ondoko arauak ezinbestez bete behar direla webgune honen funtzionamenduaren esparruan: ordena publikoa babestea; ikerketa penala; segurtasun publikoa eta defentsa nazionala; osasun publikoaren edo pertsona fisikoen babesa; pertsonaren duintasunarekiko, eta arraza, sexu, erlijio, iritzi, nazionalitate, desgaitasun edo bestelako inguruabar pertsonal edo sozialen bat dela-eta ez bereizteko printzipioarekiko errespetua; eta gazteen eta haurren babesa. Hortaz, Crowdfunding Bizkaiak beretzat gordetzen du eskubidea arau horiek hausten dituzten iruzkinak kentzeko. Nolanahi ere, Crowdfunding Bizkaiak ez du inoiz erantzukizunik izango erabiltzaileek iritzia emanez edo bestela parte hartuz esandako iritziei dagokienez.
JABETZA INTELEKTUALA
Erabiltzaileak onesten eta baimentzen du webguneko parte gisa azaltzen diren materialen edo edukien (testu, irudi, diseinu grafiko, iturri-kode, logo, etab.) copyright-a, marka erregistratua eta gainerako jabetza intelektualeko eskubideak une oro dagozkiola Crowdfunding Bizkaiari edo erabiltzeko lizentzia eman ziotenei.
Erabiltzaileak Crowdfunding Bizkaiak edo erabiltzeko lizentzia eman ziotenek berariaz baimentzen dioten moduan baizik ezin izango du material hori erabili.
Hortaz, berariaz debekatuta dago:
- Eduki edo zerbitzuren bat erabiltzea, legez kanpoko edo Baldintza Orokor hauetan debekatutako edota hirugarrenen eskubideak edo interesak kaltetzen dituzten xedeetarako, edo nola edo hala zerbitzuak, ekipo informatikoak, dokumentuak, artxiboak edo Crowdfunding Bizkaiaren edozein ekipo informatikotan biltegiratutako era guztietako edukiak normaltasunez erabiltzea kaltetu, erabilezin bihurtu, gainkargatu, hondatu edo galarazi ahal duten helburuetarako.
- Crowdfunding Bizkaiaren, Sustatzaileen, Inbertitzaileen edo hirugarrenen jabetza intelektual edo industrialaren eskubideren batekin babestuta dauden edukiak eta zerbitzuak erabiltzea, aurrez titularrek erabiltzaileari beharrezko baimena eman ezik egin duen edo egin nahi duen erabilerarako.
- Edukiak erreproduzitzea, kopiatzea, banatzea, jakinaraztea, eraldatzea edo aldatzea, titularrak dagozkion eskubideak eman ez badizkio edo legez baimenduta ez badago.
- Edukiak lortzea edo lortzen saiatzea, oro har horretarako eskuratu zaizkionak ez diren edo normalean Interneten erabiltzen direnak ez diren baliabideak edo prozedurak erabilita, betiere, kalte-arriskurik ez badute, edo webgunea, zerbitzua eta/edo edukiak erabilezin uzten ez badituzte.
Erabiltzaileari egotzi ahal zaion jarduera edo omisioren batek, erruz edo zabarkeriaz, zuzen edo zeharka, Crowdfunding Bizkaiaren edo hirugarrenen jabetza intelektual eta industrialeko eskubideak hausten baditu, eta kalteak, galerak, betebehar berriak, edozein eratako gastuak, zehapenak, neurri hertsagarriak, isunak eta bestelako kopuruak sorrarazten baditu, edozein erreklamazio, eskaera, ekintza, auzi edo prozeduraren ondorioz, arlo zibil, penal edo administratiboan, horrek ahalmena emango die erabiltzailearen kontra jotzeko, eskura dituzten legezko bide guztiak erabiliz, eta kalte-ordain gisa dena delako kopurua eskatzeko, moralari eta irudiari egindako kalteak, sortutako kalteak eta lortu gabeko irabaziak, publizitateko kostuak eta kaltea konpontzeko beharrezkoak izan daitezkeen bestelakoak barnean hartuta.
MISZELANEA
Konfidentzialtasuna
Crowdfunding Bizkaiak hitzematen du une oro egokitzat jotzen dituen segurtasun-neurriak hartuko dituela, webgunean dauden edo orri horren bidez Crowdfunding Bizkaiari emandako datu eta informazio konfidentzialen konfidentzialtasuna eta erabilera egokia bermatzeko.
Eskuratzea, jarraipena ematea, aldatzea eta gaurkotzea
Crowdfunding Bizkaiak beretzat gordetzen du eskubidea webgunearen operatibitatea aldi batez edo etengabe eteteko, edozein unetan, horren ondorioz erantzukizunik izan gabe, edo Baldintza Orokor hauek edo webgunean jasotako edozein informazio eta, orobat, konfigurazioa eta prestazioak berrikusteko, aldatzeko eta/edo ezabatzeko, aurrez jakinarazi beharrik gabe.
Zerbitzuak ezereztea
Crowdfunding Bizkaiak beretzat gordetzen du eskubidea bere webgunerako eta eskaintzen dituen zerbitzuetarako sarbidea ukatzeko edo kentzeko, Baldintza Orokor hauek betetzen ez dituzten erabiltzaileei, aurrez ohartarazi behar gabe, hala bere ekimenez nola hirugarren batek eskatuta.
Kalte-ordaina
Erabiltzaileak onartzen du Crowdfunding Bizkaiari kalte-ordaina ematea, erreklamazio, demanda edo kalteren bat bada -abokatuen eta prokuradoreen ordainsaria eta gainerako kostuak barnean hartuta-, kalte horren ondorioz erabiltzaileak bere legezko betebeharrak edo webgunea erabiltzeko betebeharrak betetzen ez baditu. Desadostasunik bada, webguneko edukia nagusituko da.
Datu pertsonalak
Datu pertsonalen tratamenduari buruzko informazioa eta politika dago eskuragarri Pribatutasun Politika.
Jakinarazpenak
Crowdfunding Bizkaiari egin beharrezko jakinarazpen edo komunikazio guztiak idatzi egingo dira, eta e-postaz igorriko dira helbide honetara: crowdfundingbizkaia@bizkaia.eus
Legeria aplikagarria eta jurisdikzioa
Webgune honen erabilerak Espainiako legeria beteko du.
Webgune honi edo webgunean egindako jarduerei lotutako auziak edo eztabaidak ebazteko, Espainiako legeria aplikatuko da, bi aldeak berariaz jartzen baitira haren mende; Bilboko auzitegiek eta epaitegiek dute eskumena haren erabileraren ondoriozko edo hari lotutako gatazkak ebazteko.
Jardueren bilakaera
I. PARTE HARTZEKO FINANTZAKETAREN PROIEKTU-MOTAK
Crowdfunding Bizkaiaren lehen helburuetako bat da online Plataforma bat jartzea Sustatzaileen eta Inbertitzaileen enpresa-proiektuen eskura (www.crowdfundingbizkaia.com), horrela, Sustatzaileek proiektuak azal ditzaten eta Inbertitzaileek inbertsioa egin ahal izan dezaten.
Proiektuko Inbertitzaile fisikoa edo juridikoa akreditatuta edo akreditatu gabe egongo da; eta horrek zehaztuko du haren inbertsio-muga eragiketa bakoitzeko eta, oro har, hurrengo idatz-zatian ("Inbertitzaileen Baldintza Partikularretan") zehaztuta dagoenaren arabera.
Bestetik, proiektuko Sustatzaileak pertsona juridikoa izan beharko du ezinbestez, eta hurrengo idatz-zatian ("Sustatzaileen Baldintza Partikularretan") agertzen diren zehaztapenak bete beharko ditu.
II. ZERBITZUEN DESKRIBAPENA ETA IRISMENA
II.1. Zerbitzu nagusiak
a) Partaidetzako finantzaketa-proiektuak hartzea, hautatzea eta argitaratzea
Atal honen bidez, erabiltzaileek enpresa-proiektuak aurkeztu ahal izango dizkiote Crowdfunding Bizkaiari, azter ditzan, Plataforman jasotako baldintzen arabera; baldintza horiek erabiltzaileari jakinaraziko zaizkio inbertsio-eskaera aurkezteko prozesuan.
Plataforman dituzten proiektuekin Sustatzaileen alta-prozesua amaitu ondoren, hautatu eta balidatuko dira, behin betiko argitaratzeko.
Hala behar denean, Crowdfunding Bizkaiak behar bezala adostuko ditu enpresa-proiektua aztertzeko aurkeztu duten Sustatzaileek eskatu duten inbertsioaren baldintza guztiak.
Horretarako, Crowdfunding Bizkaiak proiektuak aztertuko ditu, finkatutako baldintzetan jasotako eskakizunak betetzen ote dituzten ikusteko:
- Bazkideen parte-hartze eta inplikazio ekonomikoa.
- Talde kudeatzailearen kalitatea eta ahalmen teknikoa.
- Bizkaian enplegua eta aberastasuna sortzeko potentziala.
- Enpresa-berrikuntzako maila, eskainitako produktu/zerbitzuei eta/edo prozesuei dagokienez.
- Enpresak hazteko edo igotzeko duen ahalmena.
- Enpresak lehiatzeko dituen abantailak eta negozio-planaren bideragarritasuna.
Proiektu bakoitzean eskatutako informazio osoa aurkeztu ondoren, haietako bakoitza argitaratzea ebatziko da, hitzartutako epeetan, eta Plataforman jarriko da, finkatutako aldiaren eta finantzaketa-xedearen arabera.
b) Inbertitzaileen eta Sustatzaileen artean komunikatzeko kanalak garatzea, ezartzea eta ustiatzea.
Ondorio horretarako, Crowdfunding Bizkaiak Plataforma jartzen du erabiltzaileen eskura, Sustatzaileen proiektuak kokatzeko, horrela, Inbertitzaileek proiektuekin duten interesa azaldu ahal izan dezaten.
Ildo horretan, batetik, proiektuen alde publiko bat egongo da, interesa sortzeko behar adinako informaziorekin; eta, bestetik, alde pribatua egongo da, proiektuari buruzko datu kopuru handiagoaz, baina horra sartzeko erabiltzaile erregistratua izan beharko da.
Proiektu bakoitzean, espazio bat egongo da Sustatzaileak harremanetan jarri ahal izan daitezen proiektuarekin interesa duten lagunekin. Hala ere, Crowdfunding Bizkaia izango da blog horren moderatzailea.
II.2. Zerbitzu osagarriak
a) Sustatzaileentzako aholkularitza
Proiektuak aztertzeko eta argitaratzeko prozesuan barrena, une garrantzitsu batzuk daude, eta une horietan aholkularitza emango zaie Sustatzaileei. Hala, balidatu aurretik, proiektuaren egituraketa eta finantzatu beharreko kopurua aztertuko dira. Proiektua aztertu eta balidatu ondoren, elkarrekin lan egingo da, proiektuaren edukian eta argitalpenean.
Proiektua Plataforman ikusteko eta argitaratzeko prest dagoenean, Crowdfunding Bizkaia harremanetan egongo da Sustatzaileekin, proposatutako finantzaketa lortzen duten, edo ez duten, arte.
b) Arrisku-maila eta inbertsioari begira proiektuek dituzten beste aldagai batzuk
Zerbitzu horiek proiektuak aztertzeko eta balidatzeko lanen artean sartuta daude, proiektuen ahalmena, eskalabilitatea eta bideragarritasuna zehazteko behar diren aldagaietan oinarri hartuta.
Horrela, eta ez bestela, zehaztu ahal izango da proiektuak egokiak diren, finantzatu beharreko kopurua aintzat hartuta.
c) Proiektuetan parte hartzeko kontratuen ereduak eskuratzea
Crowdfunding Bizkaiak proiektuetan parte hartzeko eredu generikoak jarriko ditu Inbertitzaileen esku, haientzat interesgarria izan baitaiteke.
Dokumentu horien edukia eta prozedurari buruzko xehetasunak Inbertitzaileen esku egongo dira, inbertsioa egin aurretik, horren berri izan eta bateratze-lana egin dezaten.
d) Funtsak transferitzeko sistema
Partaidetzako finantzaketako Plataformak erregistratzeko eskakizunak betez, eta ordaintzeko zerbitzuei buruzko azaroaren 13ko 16/2009 Legeari jarraiki, Crowdfunding Bizkaiak ordaintzeko erakunde bat hautatu du, Plataforman argitaratutako proiektuek lortutako Inbertitzaileen finantzaketaren ondoriozko eskudiruko mugimenduak instrumentalizatzeko.
Erakunde horrek bermatuko ditu Plataformako erabiltzaileen arteko funts-transmisio guztiak, eta horren ardura izango du, Crowdfunding Bizkaiaren Plataforman txertatuta egongo den aplikazio baten bidez.
Crowdfunding Bizkaiak ez du Inbertitzaileek enpresetan inbertituko duten kapitala kanalizatzeko zerbitzua eskainiko. Kapitala kanalizatzeko zerbitzu hori LEMON WAY ordainketa-erakundearen bidez egingo da (Lemon Way-ren erabilera-baldintzak).
Sustatzaileen baldintza partikularrak
I. SARRERA
Sustatzaileek pertsona juridikoaren izaera izan beharko dute, eta gutxienez ondoko eskakizunak bete beharko dituzte:
- Enpresa txikia edo ertaina (ETEa) izan.
- Egoitza soziala Bizkaian izan, eta administrazioko kudeaketa eta negozioen zuzendaritza eraginkorraren ardatza Bizkaian izan.
- Finantza-, higiezin- edo salerosketa-arloko elkartea ez izan.
- Gizarte-segurantzako, ogasuneko eta langileen ordainketak eguneratuta izan.
Crowdfunding Bizkaiari proiektua aurkezten dion edozein Sustatzailek aditzera ematen eta bermatzen du behar besteko ahalmena duela eta, orobat, inbertsio-aukerak argitaratzeko behar bazkideen onespena eta baimena dituela. Sustatzaileak baimen horiek egokien iruditzen zaion moduan formalizatu beharko ditu, aurkeztutako proiektuaren eta bazkideen aldetik proiektua aurkezteko unean bere gain hartutako betebeharrak gauzatuko direla ziurtatzeko. Lehenago adierazitakoari kalterik eragin gabe, Crowdfunding Bizkaiak beretzat gordeko du eskubidea inbertsioko crowdfunding-eko proiektuak argitaratzeko, horiek duten ahalmenean arreta jarrita, betiere baldintza hauek betetzen badituzte:
- Bazkideen parte-hartze eta inplikazio ekonomikoa.
- Talde kudeatzailearen kalitatea eta ahalmen teknikoa.
- Bizkaian enplegua eta aberastasuna sortzeko ahalmena.
- Enpresaren berrikuntza-maila erabiltzen dituen prozesuetan eta/edo eskaintzen dituen zerbitzuetan eta produktuetan.
- Enpresak hazteko edo igotzeko duen ahalmena.
- Enpresak lehia aldetik abantailak izatea, lehiatzaileekin alderatuta.
- Negozio-planaren bideragarritasuna.
Sustatzaileek Crowdfunding Bizkaiak haien esku jarriko dituen inprimakiak bete beharko ditu Plataformaren bidez, bai eta horretarako adierazitako dokumentazio osoa ere, dokumentu honetan jasota dauden Baldintza Orokorrak eta kontratazioko baldintzak onartuta.
Sustatzaileek Crowdfunding Bizkaiaren esku jarriko dute beren proiektuari buruz eskatutako dokumentazio eta informazio guztia, eta hitzematen dute hura etengabe zuzen eta eguneratuta izateko.
Sustatzaileen proiektuak Plataformaren bidez argitaratzea helburu hau du: haiekin lotutako informazioa Plataformaren gainerako erabiltzaileei jakinaraztea.
Erabat doakoa da, hala Plataforman pertsonalizatutako erregistroa, analisia eta aholkularitza, nola han argitaratzea. Arrakasta izanez gero, komisioa lortutako funtsen %1ekoa izango da (+BEZ); komisio horren barruan ordainketako pasabidearen kostuak daude jasota.
II. SUSTATZAILE BATEN ALTARAKO PROZEDURA
Sustatzaileek Plataforman alta egin ahal izateko, gutxienez, informazio hau sartu beharko dute:
- Enpresaren datuak: Izen-abizenak, IFK zenbakia, egoitza soziala, telefonoa, e-postako helbidea, CNAE-JESN, jardueraren helburu soziala, eraketa-eguna, kapital soziala, bazkideen zerrenda, administrazioko organo-mota eta administratzaileen zerrenda eta identifikazioa.
- Sustatzaile-taldearen datuak: Sustatzaile nagusiaren informazioa, izen-abizenak, telefono-zenbakia eta e-posta helbidea barne.
- Datu finantzarioak: Banku-poola, bankuko kontu-zenbakia (IBAN) eta banku-erakundearen izena.
- Proiektuaren datuak: Izenburua, sektorea, helburua eta jomugak, deskribapena, kokapena, proiektuaren egungo egoera, merkatuaren deskribapena, merkaturatze-plana, finantzatzeko errondari buruzko informazioa (hasiera-eguna, finantzazio-helburua, enpresa edota proiektuaren pre-money balorazioa, parte-hartzearen balio nominala, gutxieneko ekarpena eta inbertsioaren norakoa).
Informazio gehigarria sartzeko aukera izango da, enpresaren, talde Sustatzailearen eta proiektuaren ezaugarrien arabera.
Horrez gain, dokumentazio hau aurkeztu beharko da:
- Enpresaren IFK.
- Ekonomia-jardueren alta-adierazpena (EJZ-IAE).
- Eratzeko eskritura eta sozietatearen eta/edo estatutuaren aldaketa, halakorik bada.
- Kapitalak zuritzea prebenitzeko inprimakia.
- Kideen, administratzaileen eta apoderatuen NAN/AIZ.
- Talde Sustatzailearen curriculum vitaea.
- Aurkeztutako azken urteko kontuak.
- Aurkeztutako azken sozietate-zerga.
- Behin-behineko azken kontabilitate-amaiera.
- Zerga-betebeharren ordainketa egunean izatea egiaztatzen duen agiria.
- Gizarte Segurantzarekiko betebeharrak ordainduta daudela egiaztatzen duen agiria.
- Bankuko kontuaren titulartasuna egiaztatzen duen agiria.
- Arriskuko txostenen ziurtagiria (CIRBE).
- Proiektuaren goiburuko argazkia.
- AMIA-DAFO azterketa.
- Negozio-plana.
- Finantza-plana.
- Bazkideen Hitzarmen Proposamena: Inbertitzaile potentzialei egokitu daitekeen gutxieneko edukia barne. Horren balorazioa Crowdfunding Bizkaiak aztertu beharko du. Azterketa eta balidazio horiek ez dira, inolaz ere, Bazkideen Hitzarmen Proposamena lege xedapen aplikagarriekin ados egoteari buruzko lege aholkularitza. Izatekotan, Bazkideen Hitzarmenaren gauzatzea Sustatzaileari dagokio, modu esklusiboan.
Informazio gehigarria sartzeko aukera izango da, enpresaren, talde Sustatzailearen eta proiektuaren ezaugarrien arabera.
Ez da beharrezkoa proiektuari buruzko informazio eta dokumentazio guztia saio berean betetzea edo bidaltzea. Gorde daiteke, eta geroago betetzen bukatu.
Crowdfunding Bizkaiak Sustatzaileek igorritako informazioa eta dokumentazioa erabiliko du, soil-soilik haren jarduera garatzeko, eta legez finkatuta dagoen epean gordeko du.
III. BALIDAZIOA ETA ARGITALPENA
Balidatzea eskatutako dokumentazioa egoki aurkeztu dela egiaztatzera mugatuko da. Crowdfunding Bizkaia ez da inoiz ere Sustatzaileak aurkeztutako dokumentazioa egiazkoa, benetakoa, zehatza edo eguneratua izatearen erantzule izango, hura izango baita dokumentazio horren erantzule bakarra. Crowdfunding Bizkaiaren irizpideen arabera, dokumentazioa nabarmen okerra bada edo behar bestekoa ez bada, dokumentazio edo informazio gehigarria eskatu ahal izango dio Sustatzaileari. Crowdfunding Bizkaiak proiektuen analisi ekonomikoa eta finantzarioa egiten du, eta Sustatzaileei aholkuak edota gomendioak ematen dizkie horien edukiari, eskatutako finantzazioaren zenbatekoari edo proiektuekin lotutako beste edozein konturi buruz.
Crowdfunding Bizkaiak Sustatzaileak eskatutako dokumentazioa aurkeztu duela egiaztatzen duenean, eta proiektuak Crowdfunding Bizkaiako hautatze-prozesua gainditu orduko, proiektua Plataforman argitaratuko da, finantzazioaren helburuarekin batera.
Crowdfunding Bizkaiak bere gain hartzen du balidatze-prozesua gauzatzeko konpromisoa; horrek berekin dakar proiektuak argitaratzeari buruzko erabakiak ahalik eta arinen hartzea. Era berean, konpromisoa hartzen du erabaki bat hartzeko, Sustatzaileak eskatutako informazio eta dokumentazio guztia Crowdfunding Bizkaiaren esku utzi eta hurrengo hamar (10) egun balioduneko epea amaitu baino lehen.
Crowdfunding Bizkaiak e-postaz jakinaraziko die Sustatzaileei proiektuen hautatze-prozesuaren emaitza (bai argitaratzeko hautatu baldin badute, bai eta hautatu ez badute ere).
Crowdfunding Bizkaiak ez du bermatzen Sustatzaileak aurkeztutako informazioa eta dokumentazioa egiazkoa, zehatza, eguneratua edo zuzena denik. Proiektua argitaratzen den unetik aurrera, ezin izango da aldatu.
Sustatzaileak baimena ematen dio Crowdfunding Bizkaiari Plataforman proiektuaren oinarrizko identifikazio-datuak era publikoan aurkez ditzan, haiek identifikatzeko aukera emateko, eta Plataformako erabiltzaileen artean interesa sortzeko.
Proiektuei eta Sustatzaileei buruzko informazioa eta dokumentazioa ikusgai izateari dagokionez, Plataformak atal publikoa eta atal pribatua izango ditu barruan. Atal publikoan, Sustatzaileak eta Crowdfunding Bizkaiak aldez aurretik adostutako oinarrizko informazioa eta dokumentazioa argitaratuko da, eta erabiltzaileen artean interesa sortzera egongo da zuzenduta, baita erregistratu gabeko erabiltzaileen artean ere. Atal pribatuan, bestalde, negozioarekin lotuta Sustatzaileak helarazitako gainerako datuak argitaratuko dira; erabiltzaile erregistratuek baizik ezin izango dituzte eskuratu datu horiek.
Proiektua, gehienez, egutegiko berrogeita hamar (50) egunez egongo da argitaratuta, betiere finantzatzeko helburua lehenago lortzen ez bada.
Aurrekoaren kalterik gabe, Crowdfunding Bizkaiak berrogeita hamar (50) egunetako epea %25ean luzatzeko eskubidea beretzat gordetzen du.
IV. JARRAIPENA ETA KONTROLA
Inbertsioa gauzatuta dagoela ulertuko da kapital handitzeari buruzko akordioaren eskritura publikoa ematen denean eta hori Merkataritza Erregistroan inskribatzen denean. Sustatzaileek, kapital handitze akordioa sinatu eta hilabeteko epean inbertsio osoa formalizatzeko konpromisoa erakusten dute.
Crowdfunding Bizkaian finantzaketa-erronda bat arrakastaz gauzatu duten Sustatzaileek hitzematen dute, inbertsio-erronda bukatzeko egunetik aurrera gutxienez bi urtez, Bizkaian edukiko dutela beren negozioen egoitza soziala eta administrazio-kudeaketa eta zuzendaritza eraginkorra.
Inbertsioa formalizatu ondoren, proiektuen Sustatzaileek konpromisoa hartuko dute beren gain Inbertitzaileei proiektuaren eboluzioari buruzko informazioa bidaltzeko.
Proiektuaren Sustatzaileek betebehar hori betetzen ez badute, Crowdfunding Bizkaiak ez du bere gain inolako betebeharrik hartuko aipatutako informazioa bidaltzeko, ez eta haren egiazkotasunari edota zehaztasunari lotuta ere.
Halaber, inbertsioa gauzatu eta gutxienez bi urteko epean, Sustatzaileek konpromisoa hartzen dute, Inbertitzaileei eta Crowdfunding Bizkaiari, sozietatearen bilakaerari buruzko aldizkako informazioa emateko. Informaziorako betebehar horren barruan, gutxienez, Sozietatearen Urteko Kontuak, sozietatearen ekitaldi bakoitzetik 6 hilabetera itxitako bitarteko Finantza Egoerak, Urteko Aurrekontua, sozietatearen partaidetzen edo akzioen titulartasunean egon daitekeen eta horren kontrolean eragina izan dezakeen edozein aldaketa, eta baita Inbertitzaileek eta Crowdfunding Bizkaiak eska dezaketen beste edozein informazio ekonomiko ere. Horrela, Crowdfunding Bizkaiak beretzat gordeko du aukera Sustatzaileei eskatzeko bi urtean zehar finantzatutako proiektuaren merkataritza-, kontularitza- eta zerga-arloko informazioari buruzko finantzaketa-erronda bat borobildu dezaten, betiere Plataforma eta hor lortutako zenbatekoa egoki erabiltzen diren egiaztatzeko. Crowdfunding Bizkaiak jarduera eteten badu, legez finkatutako eperako arrakastaz itxitako proiektuekin lotuta dauden Inbertitzaileen eta Sustatzaileen artean zabaldutako komunikazio-kanala mantentzen jarraituko du horrek.
Inbertitzaileentzako baldintza partikularrak
I. SARRERA
Dauden proiektuetan parte hartzeko interesa duten pertsona fisikoek eta juridikoek Inbertitzaile gisa alta egitea eskatu ahal izango dute Plataforman, Inbertitzaileek interesa duten jarduera-sektoreetan Sustatzaileen proiektuak ezagutzeko helburuarekin.
Crowdfunding Bizkaian beren proiektuak argitaratzen dituzten enpresak orain gutxi sortuak dira, eta, beraz, enpresa horietan inbertitzeak arrisku nabarmena dakar berekin.
Crowdfunding Bizkaiak dauden arriskuen inguruko beharrezko informazio guztia jarriko die eskura Inbertitzaileei, hemen “Bezeroarentzako oinarrizko informazioa”. Inbertitzaileak inbertsio jakin bat elkarte konkretu batean gauzatu nahi badu, "Inbertitu" atala hautatuko du; ondoren, bere identifikazio-datuak txertatu beharko ditu horretarako prestatutako inprimakian, eta Baldintza Orokor hauek berariaz adierazita onetsi. Inbertitzailearen onespena Crowdfunding Bizkaiak une oro finkatuta dituen edozein prozesuren bidez gauzatu beharko da.
Crowdfunding Bizkaia erreserbatu egiten du merkataritza arloko finantzaketa-erronda bat arrakastaz amaitu duten Sustatzaileei, finantzatutako proiektuaren merkataritza, kontabilitate, fiskaltza eta bilakaerari buruzko informazioa bi urtez eskatzeko eskubidea, Plataformaren erabilera egokia eta horren bitartez lortutako diruaren erabilera ona egiaztatzeko.
II. INBERTITZAILEEN PROFILAK
Inbertitzaile gisa alta ematean, bi eratako profilak daude:
- “Onetsi Gabeko Inbertitzailea”: 3.000 euro soilik inberti daitezke inbertsioko crowdfunding proiektu bakoitzeko, eta, gainera, urtean ezin da 10.000 euro baino gehiago inbertitu Crowdfunding Bizkaian argitaratutako proiektuetan.
- “Onetsitako Inbertitzailea”: inbertitzeko garaian, ez du lehen aipatutako mugarik.
Oro har, Inbertitzaile batek alta egiten duenean “Onetsi Gabeko Inbertitzailetzat” joko da.
Norbait “Onetsitako Inbertitzaile” gisa hartua izateko, “Onetsitako Inbertitzaile izan nahi dut” estekari jarraitu, eta eskatutako dokumentazioa aurkeztu behar da.
III. INBERTITZAILE BATEN ALTARAKO PROZEDURA
III.1. Pertsona fisikoak
Pertsona fisiko batek Plataforman Inbertitzaile moduan alta egin ahal izan dezan, gutxienez, informazio hau sartu beharko du:
- Izena.
- Abizenak.
- NAN/AIZ.
- Jaiotze-data.
- Helbidea.
- Udalerria.
- Posta-kodea.
- Probintzia.
- Kontu-zenbakia (IBAN).
- Banku-erakundearen izena.
Horrez gain, dokumentazio hau aurkeztu beharko da:
- NAN/AIZ.
- Bankuko kontuaren titulartasuna egiaztatzen duen agiria.
Informazio eta dokumentazio gehigarria sartzeko aukera izango da.
Inbertitzaileak Onetsitako Inbertitzaile bihurtu nahi badu, ondorengo hau hartu behar da aintzat:
- Urtero 50.000 eurotik gorako diru-sarrerak edo 100.000 eurotik gorako finantza-ondarea justifikatzeko dokumentazioa aurkeztu behar da, bankuko ziurtagirien, errenta-aitorpenen edo 10-T dokumentuaren kopien bidez.
- Onetsi gabeko Inbertitzaile izaerari uko egiteko dokumentua aurkeztu behar da, edo, horren ordez, baimendutako inbertsio-zerbitzuetako enpresa batek Plataformako finantzazio-tresnei buruz finantza-aholkularitza kontratatu izanaren frogagiria.
III.2. Pertsona juridikoak
Pertsona juridiko batek Plataforman Inbertitzaile moduan alta egin ahal izan dezaten, gutxienez, informazio hau sartu beharko du:
- Enpresaren izena.
- IFZ.
- Legezko ordezkariaren izena.
- Legezko ordezkariaren abizenak.
- Legezko ordezkariaren NAN/AIZ.
- Jaiotze-data.
- Sozietatearen helbidea.
- Kontu-zenbakia (IBAN).
- Banku-erakundearen izena.
Horrez gain, dokumentazio hau aurkeztu beharko da:
- IFZ erantsi.
- Legezko ordezkariaren NAN/AIZ erantsi.
- Bankuko kontuaren titulartasuna egiaztatzen duen agiria.
- Eratzeko eskritura.
- Aurkeztutako azken sozietate-zerga.
- Kapitalak zuritzea prebenitzeko inprimakia.
Informazio eta dokumentazio gehigarria sartzeko aukera izango da.
Inbertitzaileak Onetsitako Inbertitzaile bihurtu nahi badu, ondorengo aukeretako bat onartu beharko du, hautatutako aukera egiaztatzeko dokumentua aurkeztuta:
- Finantza-merkatuetan lan egin ahal izateko Europar Batasuneko kide diren estatuek eta bestelakoek baimendu edo arautu beharreko finantza-erakundea edo pertsona juridikoa izatea onartu (horien artean daude kreditu-erakundeak, inbertsio-zerbitzuen enpresak, aseguru-konpainiak, inbertsio kolektiboko instituzioak eta beren kudeaketa-elkarteak, pentsio-funtsak eta beren kudeaketa-elkarteak, titulazio-funtsak eta beren kudeaketa-elkarteak, lehengaiekin eta lehengaietatik eratorritako materialekin lan egin ohi dutenak, bai eta norbere izenarekin kontratatzen duten operadoreak eta Inbertitzaile instituzionalak ere).
- Aurreko paragrafoan agertzen direnetakoa izan gabe, ohiko jarduera bezala baloreetan edo beste finantza-tresna batzuetan (arrisku-kapitaleko erakundeak eta beren kudeaketa-elkarteak daude haien artean) inbertitzen duen Inbertitzaile instituzionala izatea onartu.
- Estatua edo eskualde-administrazioa, zor publikoa kudeatzen duen erakunde publikoa, banku zentrala edo nazioarteko edo nazioz gaindiko erakundea, hala nola munduko bankua, nazioarteko diru-funtsa, Europako banku zentrala, Europako inbertsio-bankua eta antzeko izaera duten beste batzuk izatea onartu.
- Aurreko ataletan aipatu gabeko enpresa txikia edo ertaina edo pertsona juridikoa izatea onartu, eta onetsitako Inbertitzailetzat hartzeko eskatzea, eta onetsi gabeko Inbertitzaile trataera emateari berariaz uko egitea. Horretarako, uko egiteko dokumentua bete eta erantsi behar da.
FINANTZAKETA EHUNEKOA, GAINFINANTZAKETA ETA DESINBERTSIOA
Arau orokor gisa, proiektuak, Sustatzaileak eskatutako inbertsioaren %100era arte finantzatu ahal izango dira, Plataforman emandako alta prozeduran bideratutako eta Crowdfunding Bizkaiak balioztatutako Proiektuaren Datuak kontuan izanda.
Aurrekoaren kalterik gabe, Crowdfunding Bizkaiak erreserbatu egiten du Sustatzaileak eskatutako inbertsioaren %100eko finantzaketa jasotzeko eskubidea duten proiektuak argitaratzeko eskubidea. Gain-finantzaketarako aukera proiektuarekin batera argitaratuko da, dokumentu honetako Sustatzaileen Baldintza Partikularrei buruzko atalaren Sarreran ezarri diren proiektuen argitalpenerako irizpideak kontuan izanda. Proiektua argitaratu eta edozein unetan, Crowdfunding Bizkaiak gain-finantzaketarako eskubideari amaiera emateko eskubidea erreserbatzen du, Sustatzaileari jakinaraziz edo Plataforman argitaratuz.
Inbertitzailearen profila bat edo beste bada ere, finantzaketa errondan proiektu batek eskatutako finantzaketaren %80 lortu duenean, Inbertitzaileak zazpi (7) eguneko epea izango du aurkeztutako kapitalaren desinbertsioa egiteko. Desinbertsiorako aldi baterako tarte hori bakarra izango da, eta ez da, inolaz ere, berriro irekiko, proiektuak eskatutako finantzaketaren %80 berriro lortzen badu.
Finantzaketa erronda ireki eta berrogeita hamar (50) eguneko epean gutxienez eskatutako finantzaketaren %100 lortu ez bada, Crowdfunding Bizkaiak epe hori %25ean luzatzeko eskubidea gordetzen du, finantzaketa helburua osatzeko xedez.
Ezarritako epean eskatutako finantzaketaren %100 lortzen ez bada (aurreko paragrafoan aipatzen den luzapena barne hartuta), Crowdfunding Bizkaiak finantzaketa emateko eskubidea beretzat gordetzen du, beti ere gutxienez finantziazio helburuaren %90 lortzen bada, behin Crowdfunding Bizkaia plataformak berak proiektuan izan dezakeen partaidetza deskontatuta.
CROWDFUNDING-EK SUSTATZAILEEN ETA INBERTITZAILEEN AURREAN IZAN DEZAKEEN ERANTZUKIZUNAREN SALBUESPENA
Sustatzaileek eta Inbertitzaileek adierazten eta onartzen dute badakitela Crowdfunding Bizkaiak bitartekaritza lanak baino ez dituela egiten Sustatzailearen eta Inbertitzailearen artean, eta Crowdfunding Bizkaiak emandako txostenen eta datuen jatorria, Sustatzaileak emandako informazioa dela. Hori dela eta, Crowdfunding Bizkaiak ez du inolako erantzukizunik hartzen Proiektuaren gainean, ezta horri buruz egindako informazioaren edo txostenen gainean, eta ez du, inolaz ere, inbertsioaren emaitza edo inbertsio prozesuan edo ondoren iruzurrik ez egotea bermatzen.
Aurrekoaren ondorioz, Sustatzaileek eta Inbertitzaileek hauen ondoriozko edozelango erantzukizunetik salbuesten dute Crowdfunding Bizkaia:
- (i) Inbertsioaren emaitza, horren erabateko galera barne, horren arrazoia bat edo beste bada ere.
- (ii) Sustatzaileak edo Inbertitzaileak emandako informazioaren egiazkotasun edo osotasun falta.
- (iii) Beste batzuek egin ditzaketen jarduketak (adibidez, muga barik, Sustatzaileak, notarioek, bankuek, ordainketa pasarelez arduratzen diren erakundeek, inbertsioa gauzatzeaz arduratzen diren abokatuak), inbertsio prozesuan edo ondoren.
- (iv) Sustatzailearen, bankuen edo ordainketa pasarelez arduratzen diren erakundeen kaudimen falta.
- (v) Eta, orokorrean, Sustatzaileari eta Inbertitzaileari eragindako edozein kalte, zuzen edo zeharkako, edozein arrazoi dela eta, inbertsioaren aurretik, unean edo ondoren.
Beraz, Inbertitzaileak Proiektu baten gainean egiten duen inbertsioari buruz dituen eskubideak Sustatzailearen aurrean gauzatu beharko dira edo, hala denean, Inbertitzaileari kaltea eragin dion hirugarrenaren aurrean.