Pertsona fisikoarentzako kenkariak (PFEZ)

Startup-etan eta enpresa berritzaileetan inbertitzeak zuzeneko kenkariak ekar ditzake inbertitzaileak ordaindu beharreko PFEZ kuotan. Oso garrantzitsua da adieraztea jarraian azalduko ditugun zerga-pizgarriak zergadunak aplikatu ahal izango dituela, bere PFEZean aplikatu behar duen araudiaren arabera.

Kenkariak enpresa berrietan edo berriki sortutakoetan inbertitzeagatik

Araba eta Bizkaia

%10eko kenkaria mikroenpresa edo ETE berrietan edo berriki sortutakoetan akzioak edo partaidetzak harpidetzeagatik, eratu eta 5 urteko epean, kenkariaren gehieneko oinarria 100.000 euro urtean izanik.
%20ko kenkaria mikroenpresa edo ETE berritzaileetan akzioak edo partaidetzak harpidetzeagatik, eratu eta 7 urteko epean, kenkariaren gehieneko oinarria 150.000 euro urtean izanik.

Gipuzkoa

%20ko kenkaria enpresa berrietan edo berriki sortutakoetan akzioak edo partaidetzak harpidetzeagatik eratu eta 5 urteko epean, kenkariaren gehieneko oinarria 50.000 euro urtean izanik.

Lurralde komuna

%30eko kenkaria enpresa berrietan edo berriki sortutakoetan akzioak edo partaidetzak harpidetzeagatik, eratu eta 3 urteko epean, kenkariaren gehieneko oinarria 60.000 euro urtean izanik.

Kenkariak hazkunde-aukera handia duten erankudeak finantzatzeagatik

Gipuzkoa

Gipuzkoan hazkunde-aukera handia duten erakundeak finantzatzeko kenkaria ezartzen da:

%30eko kenkaria entitate berritzaile sortu berrietan lehen mailako merkatuko akzioak edo partaidetzak harpidetzeagatik, eratu eta 7 urteko epean.
%15eko kenkaria hazten ari diren entitateen akzioak edo partaidetzak harpidetzeagatik.

Covid pizgarriak: inbertsioagatiko kenkari berezia

Bizkaia eta Araba

Bizkaia eta Arabako PFEZren zergadunek zenbait kenkari izateko eskubidea dute enpresa sortu berri batzuen partaidetzak erosteko inbertitutako kopuruengatik.

2020 eta 2021ean, kenkari horiek indarrean jarraituko dute, baina aukera ematen zaie PFEZaren zergadunei Sozietateen gaineko Zergarako aurreikusitako kenkaria aplikatzeko.

%10eko kenkaria mikroenpresa edo ETE berrietan edo berriki sortutakoetan akzioak edo partaidetzak harpidetzeagatik, 100.000 euroko kenkariaren gehieneko oinarriaren gainean.
%15eko kenkaria, gehienez ere 150.000 euroko oinarriaren gainean, inbertitzen den enpresa berria edo berriki sortua bada. Akzioak edo partaidetzak eratzeko unean edo hurrengo 5 urteetan eskuratu beharko dira.
%20ko kenkaria, gehienez ere 200.000 euroko oinarriaren gainean, inbertitzen diren enpresak berritzaileak badira. Akzioak edo partaidetzak eratzeko unean edo hurrengo 7 urteetan eskuratu beharko dira.

Pertsona juridikoen kenkariak (Sozietateen gaineko zerga)

Batzuetan, konpainiek beraiek erabakitzen dute beste enpresetan inbertsio-ahalegin bat egitea, edo partikularrek beraiek nahiago izaten dute sozietate baten bidez jardutea haien inbertsio-tresna gisa. PFEZean bezala, oso garrantzitsua da adieraztea jarraian azalduko ditugun zerga-pizgarriak zergadunak aplikatu ahal izango dituela, bere Sozietateen gaineko Zergan aplikatu behar duen araudiaren arabera.

Salbuespena enpresetako partaidetzak eskualdatzean

Araba, Bizkaia eta Gipuzkoa

Salbuetsita geratzen dira erakundearen kapitalaren balore adierazgarriak edo funts propioak besterentzeagatik sor litezkeen errenta positiboak, baldin eta bere partaidetza inbertitutako sozietatean %5ekoa edo altuagoa bada.

Nafarroa eta Lurralde komuna

Salbuetsita geratzen dira sor litezkeen errenta positiboen %95a, baldin eta bere partaidetza inbertitutako sozietatean %5ekoa edo altuagoa bada.

Partaidetza-maileguetatik eratorritako interesen gaineko salbuespena

Araba, Bizkaia eta Gipuzkoa

Partaidetza-maileguetatik eratorritako interes aldakorren bidez lortutako etekinak ez integratzea edo salbuestea, mailegu-emaileak mailegu-hartzailearen kapitalean edo funts propioetan parte hartzen badu, zuzenean nahiz zeharka, gutxienez %25ean.

Lurralde komuna

Lurralde komunean, Merkataritza Kodearen 42. artikuluaren arabera merkataritza-talde bateko kide diren erakundeen arteko partaidetza-maileguetatik eratorritako interesak, funts propioen ordainsaritzat hartzen dira.

Covid pizgarriak: inbertsioagatiko aparteko kenkaria

Araba, Bizkaia eta Gipuzkoa

%10 mikroenpresa edo ETE berrietan edo berriki sortutakoetan akzioak edo partaidetzak harpidetzeagatik, 100.000 euroko kenkariaren gehieneko oinarriaren gainean.
%15, gehienez ere 150.000 euroko oinarriaren gainean, inbertitzen den enpresa berria edo berriki sortua bada. Akzioak edo partaidetzak eratzeko unean edo hurrengo 5 urteetan eskuratu beharko dira.
%20, gehienez ere 200.000 euroko oinarriaren gainean, inbertitzen diren enpresak berritzaileak edo, Gipuzkoaren kasuan, hazten ari direnak badira. Akzioak edo partaidetzak eratzeko unean edo hurrengo 7 urteetan eskuratu beharko dira.

Ekintzailetza sustatzeko eta ekoizpen-jarduera indartzeko erreserba: partaidetzak eskuratzea

Araba, Bizkaia eta Gipuzkoa

Arabako, Bizkaiko eta Gipuzkoako zergadunek, ekitaldi bateko kontabilitate-emaitza aplikatzean, kopuru bat “Ekintzailetza Sustatzeko eta Ekoizpen Jarduera Indartzeko Erreserba Berezia” izeneko erreserbara eraman daiteke. Kopuru hori ezin izango da erabili hiru urtez, eta zenbatekoak Arauak adierazitako helburuetara bideratu beharko dira:

Mikroenpresa edo ETEen kapitalean edo funts propioetan gutxienezko %5eko partaidetzak erostera.
Enpresa-proiektu berri bat gauzatzeko hasierako etapan dauden, hazkunde-aukera handia duten mikroenpresa edo ETEen kapitalean edo funts propioetan partaidetzak erostera.

Berariazko kenkaria I+G+b finantzatzeagatik

Araba, Bizkaia, Gipuzkoa eta Nafarroa

Araba, Bizkaia, Gipuzkoa eta Nafarroan, beste zergadunek burutzen dituzten ikerketa- eta garapen-proiektuak finantzatzen parte hartzen dutenei aplikatzen zaien kenkaria ezarri da, betiere proiektuek Sozietateen Zergaren araudiak I+G+bko jarduketak gauzatzeko kontzeptuagatik kenkari-eskubidea sortzeko ezartzen dituen baldintzak betetzen badituzte.

Bestalde, ikertzaileak inbertitzailearen finantzaketa jasoko du I+G+b jarduerak sortzen duen I+G+b-rengatiko kenkariak lagatzearen ordainetan.