WATS

WATSen xedea kirol munduko bortizkeriarekin amaitzea eta kirolaren benetako balioak berreskuratzea da.
Azken bi urteetan kirol-ekosistema aztertu dugu, nazio mailako klub, federazio eta erakunde ezberdinekin lan eginez.
WATSen praktikan jartzen dugun metodologiak, mundu mailan erreferente den Mondragon Team Academy (MTA) erakundean du jatorria, Mondragon Unibertsitatearen parte dena. Gure herentzia metodologikoa Finlandiatik dator. Bertan Tiimiakatemiak 25 urte daramatza hezkuntza eredua goitik behera aldatzen, pertsonak konpetentzietan trebatuz beraien zaletasunen bitartez. Antzekotasun mordoa aurkitzen dugu zaletasun eta konpetentzien bitartezko ikasketan oinarritutako hezkuntza-eredu honen eta kirol-munduaren artean. Hori dela eta, bortizkeriarik gabeko kirola posible dela uste dugu, balioetan hezten duen kirola, gazteenak pozten dituena, bere ikaskuntzez gozatzeko aukera ematen duena, eta batez ere, bizitzarako prestatzen duena. Bortizkeriarik gabeko kirola, bortizkeriarik gabeko gizartea da.