Bizkaiko Foru Aldundia | Diputación Foral de Bizkaia

Zure proiektua mikroinbertitzaileen bidez finantzatzeagatiko abantailak

Duela gutxi arte, proiektu bat abian jarri nahi zuten eta beharrezkoa den kapitalik ez zuten pertsonek banku-maileguak, diru-laguntzak edo lagun eta familiakoen laguntza aukeratu behar zuten. Ideiak egi bihurtzeko finantziazio-aukerak mugatuak ziren.

Crowdfunding eta elkarlaneko mikrofinantzaketari esker, aukerak askoz handiagoak dira orain. Lankidetza kolektiboa da, non mikroinbertitzaile askok kapital-ekarpen txikiekin, enpresa-ideia bat gauzatzeko eta garatzeko beharrezkoa den euskarri ekonomikoa ematen duten. Crowdfunding edo mikromezenazgo plataformek azkar, seguru eta eraginkortasunez jartzen dituzte harremanetan inbertitzaileak eta ekintzaileak banku-ingurunetik kanpo.

Crowdfunding eta finantzatzeko aukera motak

Emandako diruaren truke, mikroinbertitzaileek era desberdinetan jaso dezakete beraien ordaina:

  • Sari-crowdfundinga

Inbertitzaileak mezenaz bezala ezagutzen ditugu, eta, emandako diru-kopuruaren arabera, proiektuarekin zuzenean lotutako sariak jasotzen dituzte, hala nola produktu, zerbitzu edo esperientzia esklusiboak.

Crowdequity-an, pertsona fisikoek eta/edo juridikoek kapital-ekarpena egiten dute enpresako partaidetzen edo akzioen truke. Mota honen alde egiten du Crowdfunding Bizkaiak.

  • Crowdlending

Mota honetan, finantzaketa mailegu baten bitartez burutzen da, eta enpresak edo finantzaketaren hartzaileak jasotako dirua interes-tasa batekin itzuli behar du.

  • Donazio-crowdfundinga

Donazio crowdfundingak ere badaude, kanpaina solidario, humanitario edo sozialetarako sortuak.

Zure proiektua mikroinbertitzaileen bidez finantzatzearen abantailak

Crowdequity-an ardaztuz, proiektu bat pertsona fisiko eta/edo juridikoen inbertsioen bitartez finantzatzeagatik hainbat abantaila daude, kapital-ekarpena egin eta gero proiektuko bazkide bihurtzen direlarik:

  • Prozesu eraginkorra, azkarra eta segurua da, bai ekintzaileentzat, bai inbertitzaileentzat.
  • Crowdequity-a sormenezko eta ezohiko ideiak finantzatzeko prest dago.
  • Inbertsio-txandan, produktuaren edo zerbitzuaren potentziala egiaztatuko da, eta merkatuaren benetako interesa eta proiektuaren bideragarritasuna aztertuko dira.
  • Ekintzaileek ez dute sekula proiektuaren jabetza galduko, baina aldi berean bere kapital-ekarpenak egin dituzten bazkideen aholkuak jaso ahal izango dituzte.

Crowdfunding Bizkaian proiektu bat finantzatzeko 4 urratsak

1. Plataforma egokia hautatzea

Garrantzitsua da enpresa-ideiaren beharretara hobekien egokitzen den mikroinbertsio-plataforma aukeratzea. Crowdfunding Bizkaiari dagokionez, Bizkaian errotutako proiektuetara zuzendutako plataforma da, betiere, gizartearentzat eragin positiboa izan dezaketen proiektuen alde egiteko asmoz.
Plataforma honek proiektua ahalik eta erakargarriena bihurtzeko aholkularitza eskaintzen dizu, balio-proposamenaren eta negozio-ereduaren bideragarritasun-azterketa zorrotz baten bidez.

2. Inbertsio-txandaren hasiera

Proiektuaren xehetasunak zehaztu ondoren, proiektua argitaratu eta epe jakin baterako irekitzen da.

3. Ahalik eta hedapen gehiena ematea

Proiektu bat on line plataforma batean argitaratzea ez da nahikoa finantzaketa lortzeko, oso garrantzitsua baita zabaltze-kanpaina on bat izatea. Crowdfunding Bizkaian blog, sare sozial, e-mail, bideo, ekitaldietan agerpenak eta abarren laguntza izango duzu.

4. Heburuak lortzea 

Inbertsio-txanda amaitu ondoren, ezarritako helburu ekonomikoa lortu bada, zure proiektua garatu eta inbertitzaileekin hartutako konpromisoak bete ahal izango dituzu. Ezarritako helburua lortzen ez bada, inbertitzaileei ez zaie ezer kobratuko.
Crowdfunding Bizkaiak ezarritako helburu ekonomikoa lortzen duten proiektuetan bakarrik jasoko du lortutako inbertsioaren% 1eko komisioa.

Zure proiekturako finantziazioa lortzeko crowdfunding-plataforma baten bila bazabiltza, Crowdfunding Bizkaiak erakunde publiko baten lehen plataforma izateagatiko berme guztiak eskaintzen ditu, Bizkaiko Foru Aldundia hain zuzen ere.

Informa zaitez hemen eta eskuratu zure proiektua errealitate bihurtzeko behar duzun inbertsioa.