Bizkaiko Foru Aldundia | Diputación Foral de Bizkaia

Zer da crowlending-a?

Finantza-krisiaren ondorio nagusietako bat izan da enpresa berriek zailtasunak dituztela beren proiektua abian jartzeko finantzaketa eskuragarria eta segurua aurkitzeko. Ohikoa denez, zailtasunei aurre egiteko adimena areagotzen da beti, eta behar horretatik crowlending edo crowdlending sortzen da.

Crowlending-ak crowdequity-arekin eta crowdfunding-arekin antzekotasun batzuk dituen arren, ez dira nahastu behar. Horretarako, crowlending-a zertan datzan zehazten hasiko gara, azken urteotan enpresei oso emaitza onak ematen ari zaien finantzaketa-metodoa.

Zer da crowlendinga?

Krisiaren ondorioz, bankuek oztopo handiak jartzen hasi zirenean arrisku-faktoreren bat zuten proiektu berriak finantzatzeko, crowlending delakoa sortu zen, enpresa batek inbertsiogile profesionalengandik, inbertitzaile pribatuetatik edo erakundeetatik jasotzen dituen maileguetan oinarritzen den finantzaketa-metodoa.

Oro har, on line plataforma baten bidez, interesa duten eragileek kapital bat inbertitzen dute enpresa berrian, eta, trukean, inbertitutakoa gehi bi aldeek negoziatutako interesa jasotzen dute. Finantziazio-sistema horri esker, alde guztiek irabazten dute.

Nola funtzionatzen du crowlendingak?

Crowlending, beraz, finantzaketa kolektiboko metodo bat da, inbertitzaile txikiek enpresa bati dirua ematen diona etorkizunean inbertsio hori gehi interes batzuen ordainketa berreskuratzeko.

Crowlendingaren abantaila handienetako bat kostuak murriztea da, banku-maileguekin alderatuz gero. Izan ere, interes-tasak txikiagoak dira, eta, beraz, enpresak aurrezkiak handitu eta beharrezkotzat jotzen dituen hobekuntzetan inbertitu ditzake.

Baina crowlendingak ez dio enpresari bakarrik mesede egiten, inbertitzaileek beste inbertsio mota batzuek eman dezaketen interes-tasa baino handiagoa lortzen baitute. Gainera, inbertsore-kopuru handia izateak arrisku txikiagoa dakar haientzat.

Oro har, enpresentzako finantzaketaz ari gara, baina crowlending-aren barruan bi jarduera-mota daude, beste pertsona bati dirua emateko aukera ere badago eta:

  • Peer to Peer lending (P2P): inbertitzaileak beste pertsona bati ematen dio dirua, pertsonatik pertsonarako mailegu bat, etxea berritzeko, auto bat erosteko edo ikasketak ordaintzeko erabiltzen dena, adibidez.
  • Peer to Business lending (P2B) edo Peer to Company lending (P2C): kasu honetan mailegua enpresa edo konpainia batentzat da, bai proiektua abian jartzeko, bai likidezia emateko, bai nazioartekotze-fase bati aurre egiteko.

Crowdlending eta crowdequity crowdfunding modalitateak dira, finantzaketa kolektiboa lortzeko modu desberdinak. Crowlending-aren kasuan, finantzazioa interesekin itzultzen den mailegu bat da; crowdequity-an, aldiz, inbertitzaileak proiektuaren onuretan parte hartzen du, Crowdfunding Bizkaia plataformaren parte direnetan gertatzen den bezala.

Gure ekosistema egunez egun eraikiz; Bizkaian, sortu eta hazi egiten gara. Ezagutu Crowdfunding Bizkaia eta inbertitu hemen.