Zuri laguntzeko prest gaituzu

Crowdfunding Bizkaia partaidetzazko finantzaketako zerbitzu-hornitzaile bat da, eta CNMV-Balore Merkatuaren Batzorde Nazionalak  baimendutako plataforma baten bidez jarduten du, 14. rregistro zenbakiarekin.

Crowdfunding Bizkaiak Bizkaiko ekintzailetza eta berrikuntzako ekosistema konektatzen ditu:

• Proiektuas sustatzen dituzten enpresei, proiektu horiek osagai berritzailearekin edo Ingurumen, Gizarte edo Gobernantza arloan eragin positiboarekin (ESG ingelesezko sigletan), finantzatzeko alternatiba bat eskaintzen die, inbertitzaileen banakako ekarpenak batuz.

• Proiektuetan inbertitzen dutenei osagai berritzailea edo ESG eragin positiboa duten proiektuetan modu seguru eta errentagarrian parte hartzeko aukera eskaintzen die.

Crowdfunding Bizkaia foru sozietate publiko bat da, Bizkaiko Foru Aldundiko ekonomia sustatzeko sailari atxikia. Bere helburua tokiko finantzaketarako aukerak demokratizatzea da.

Proiektu bakoitza sustatzen duen enpresarentzat, Crowdfunding Bizkaiak bozgorailu bat eskaintzen du, bere plataformaren bidez, proiektua eta enpresaren jarduera zabaltzeko, eta, aldi berean, bere proiektua gauzatzeko finantzaketa lortzen du. Gainera, aukera webgunean zein sare sozialetan argitaratzeak eragin nabarmena du publizitatean.

Proiektuaren inbertitzaileentzat, Crowdfunding Bizkaia aukera bat da diruari errentagarritasuna ateratzeko, inpaktu positiboa sortzen duten Bizkaiko enpresetan modu seguruan inbertituz. Inbertitzaileen tipologia jakin batentzat (batez ere profesionalentzat), finantzatutako enpresetara hurbiltzeko eta xehetasunez ezagutzeko aukera ere eskaintzen du, etorkizuneko akordio estrategiko potentzialak planteatzeko, adibidez.

Crowdfunding Bizkaiak bermatutako crowdlending motaren aldeko apustua egin du (proiektua sustatzen duen enpresari mailegu zuzenak emanez, Elkarrekiko Berme Sozietate batek bermatuta). Finantzaketa ematen duten inbertitzaileak enpresaren hartzekodun bihurtzen dira. EBSk bermatutako eragiketak “arrisku nabarmenik gabeko” eragiketatzat hartzen dira Espainiako Bankuaren 4/2016 Zirkularrean. «Arrisku nabarmenik gabea» kategoria honetan daude, besteak beste, banku zentralekin, 1. taldeko administrazio zentralekin eta Europako gordailuak bermatzeko fondoekin egindako eragiketak.

Horrez gain, noizean behin, equity crowdfunding modalitatea garatzen da (proiektua sustatzen duen enpresaren kapital sozialean inbertitzea). Modalitate horretan inbertitzen duten inbertitzaileak enpresako bazkide bihurtzen dira. Finantzaketa-modalitate horrek inbertitutako kapitala galtzeko arriskua dakar berekin. Era berean, Gida honetan kontsulta daitezkeen kenkari fiskalak ere baditu.

Proiektuak bizkaian egoitza duten enpresek sustatu behar dituzte, eta osagai berritzaile bat edo ESG inpaktu positibo bat izan behar dute lotuta.

Crowdfunding Bizkaiak beretzat gordetzen du proiektu bat atzera botatzeko eskubidea, baldin eta bere baldintzak betetzen ez dituela edo legezkotasunaren aurka doala uste badu.

Proiektua plataforman argitaratu ondoren, finantzaketa-erronda gehienez ere 45 egunera irits daiteke. Epe horretan, inbertitzaileek beren ekarpenak egin ahal izango dituzte proiektua finantzatzeko.

Finantzaketa-erronda finantzaketaren helburuko zenbatekoa lortu ondoren ixten da, hau da, zenbateko hori 45 egun baino gutxiagoan lortuz gero, erronda automatikoki itxiko litzateke.

Erronda finantzaketaren helburua lortzean amaituko da. Mugarri hori lortzeko, finantzaketa-aukera gehienez 45 egunez egongo da zabalik, argitaratzen denetik, inbertitzaileek ekarpenak egin ahal izan ditzaten. Hala ere, ez da beharrezkoa errondak zehaztutako gehieneko epean irekita egotea, zehaztutako helburu zenbatekoa lortu ondoren itxiko delako.

Baldin eta errondak ez badira iristen aukeraren deskribapenean zehaztutako proiektua garatu ahal izateko helburuko zenbatekora (edo gutxienekora, definitzen bada), finantzaketa-erronda gelditu egingo da eta emandako dirua inbertitzaileei itzuliko zaie.

• Inbertitzailea: proiektuei finantzaketa ematen diena.
  • Esperientziarik Gabeko Inbertitzailea (Europako Parlamentuaren eta Kontseiluaren 2020ko urriaren 7ko 2020/1503 Araudiaren definizioaren arabera: definitutako irizpideetako bi gutxienez betetzen ez dituzten pertsona fisikoak eta gutxienez esperientziadun gisa hartzeko irizpideetako bat betetzen ez duten pertsona juridikoak).
    • Legez 3.000 € inbertitu ditzakete proiektu bakoitzeko, edo gehienez 10.000 € urtean.
    • Horrelako inbertitzaileek, esperientziarik gabekotzat jotzen direnez, legeak aurreikusitako 4 eguneko (96 ordu) gogoeta aldia izateko eskubidea dute, eta, epe horretan, plataforman eskura jarritako kanpainetan egindako inbertsioa bertan behera uztea erabaki dezakete. Aukera horrek ez du lotutako kosturik.
  • Inbertitzaile Esperientziaduna: mugarik gabe inberti dezaketen pertsona fisiko edo juridikoak, Europako Parlamentuaren eta Kontseiluaren 2020ko urriaren 7ko 2020/1503 Araudian zehaztutako irizpideak betetzen dituztelako.
    • Pertsona fisikoaren kasuan, gutxienez bi baldintza betetzen dituzte:
    • 60.000 € -tik gorako urteko diru-sarrera gordinak edo 100.000 € -tik gorako finantza-tresnen zorroa
    • Urtebeteko esperientzia finantza-sektorean edo lanpostu exekutibo batean hurrengo puntuko pertsona juridiko batean
    • Aurreko lau hiruhilekoetan egindako bolumen esanguratsuko 10 eragiketa gutxienez hiruhileko bakoitzeko.
    • Pertsona juridikoentzat, gutxienez hauetako bat betetzen dute:
    • Gutxienez 100.000-ko baliabide propioak
    • Gutxienez 2.000.000 €-ko negozio-bolumen garbia
    • Gutxienez 1.000.000 €-ko balantzea.
  • Enpresaren sustatzailea: bere proiektua plataformaren bidez zabaltzen duena.

Proiektua finantzatzeko aukera bakoitzean, proiektuaren informazioa eta aurrerapenak argitaratzeko gune bat dago. Era berean, proiektu horiek finantzatzen dituzten pertsonek, Crowdfunding Bizkaiaren bidez, beren interesekoak diren eta finantzaketarekin lotuta dauden gai guztiak bideratu ahal izango dituzte.

Gainera, «Albisteak», Crowdfunding Bizkaiaren sare sozialak edo Berripaper bidezko komunikazioak, Crowdfunding Bizkaiarekin lotutako enpresei buruzko albisteak eta informazioa zabalduko dira.

• Pertsona fisikoak, 18 urtetik gorakoak.
• Pertsona juridikoak, behar bezala eratutakoak eta erregistratutakoak.
  • Horren barruan sartzen dira merkataritza-jarduera duten enpresak, inbertitzaile profesionalak eta inbertitzaile instituzionalak, besteak beste.

Inbertitzaileak diruzko etekin baten truke finantzaketa eskaintzen duten pertsona fisiko edo juridiko ugari dira, eta esperientziadunak zein esperientziarik gabekoak izan daitezke.

2020/1503 (EB) Araudiaren arabera, proiektuaren sustatzailea «partaidetzazko finantzaketarako plataforma baten bidez finantzaketa bilatzen duen pertsona fisiko edo juridiko oro» da. Crowdfunding Bizkaiaren kasuan, egoitza Bizkaian duten eta iragarritako proiektuak plataforman argitaratutako finantzaketa- aukeretan garatzen dituzten enpresak dira sustatzaileak.

Enpresa bazara eta zure proiektua Crowdfunding Bizkaiaren bidez argitaratu eta finantzatu nahi baduzu, helarazi zure proiektua crowdfundingbizkaia@bizkaia.eus helbidera.

Crowdfunding Bizkaia Balore Merkatuaren Batzorde Nazionalak («CNMV») baimendu eta arautzen du, 14. erregistroarekin.

Crowdfunding Bizkaian argitaratutako proiektuak ez ditu ez CNMVk ez Espainiako Bankuak baimentzen, ez gainbegiratzen, eta sustatzaileek emandako informazioa ez dute erakunde horiek berrikusi, eta ez da CNMVk onartutako informazio-liburuxka bat.

Crowdfunding Bizkaiak lortutako finantzaketaren %1 baino ez du kobratzen, eta notariotza eta komunikazio gastuak bere gain hartzen ditu.

Crowdfunding Bizkaia partaidetzazko finantzaketako zerbitzuen hornitzaile bat da, CNMV-Balore Merkatuaren Batzorde Nazionalak baimendu eta arautzen duena, 14. erregistroarekin. Ordainketekin lotutako jarduera Lemonwayren bidez egiten da. Erakunde hori Espainiako Bankuak arautzen du.

Proiektu guztiak eta horiek sustatzen dituzten enpresak barruan aztertzen dira, kaudimendunak direla eta bideragarritasunerako gutxieneko baldintzak betetzen dituztela egiaztatzeko.

Crowdlending bidezko inbertsioak Elkarren Bermerako Sozietate batek bermatzen ditu, eta azterketa sakona egiten du, bai dokumentuei dagokienez, bai ekonomiari eta finantzei dagokienez. Era berean, finantzaketa-aukerekin batera dokumentazio eta informazio garrantzitsua dago, inbertitzaileek beren analisi propioak egin ahal izan ditzaten.

Lemonway Espainiako Bankuak baimendutako kanpoko ordainketa-erakunde bat da, eragiketen fondoak segurtasun osoz zaintzen eta kudeatzen dituena. Lemonwayren bidez jarduteko, Crowdfunding Bizkaiaren Onboarding prozesua zuzenean konektatzen da ordainketa-plataformara kanal seguru baten bidez.

Erabiltzaile bakoitzak diru-zorro bat sortuko du, eta txarteletik edo banku-kontutik fondoak sartu eta modu berean atera ahal izango ditu. Ildo horretan, Crowdfunding Bizkaiak ez ditu fondoak kudeatzen, erabiltzaile bakoitzak baizik, Lemonwayren bidez, eta proiektu bakoitzean inbertitu beharreko zenbatekoa erabakitzen du, horiek beren kontu propioa izango dutelako, gainerakoetatik bereizita.